Tú kanst fyribyrgja arvaligum sjúkum!
Í Føroyum eru fleiri lívshættisligar ílegusjúkur, sum koma serliga ofta fyri, men eingin kunning og einki tilboð er til fyri at fyribyrgja teimum. Hetta gera vit nakað við... og tú kanst hjálpa okkum við at gerast limur í felagnum.
Credo: Føroyska sjúkan
Tá hon var tríggjar mánaðar gomul, fekk Sága staðfest føroysku sjúkuna, sucla2. Bert fimm mánaðar gomul, fór hon foldum frá. Foreldur hennara, Karin Laksáfoss og Sámal Rasmussen, hava sett sær fyri at varpa ljós á allar tær serstøku og álvarsomu sjúkurnar, sum fleiri føroyingar bera í teirra ílegum, uttan at tey vita av tí.
Tær sjey plágurnar
Hygg eftir dokumentarinum frá 2017 um fleiri av arvaligu sjúkunum, vit stríðast við í Føroyum. Sjúkur, sum eru deyðiligar og ólekjandi. Í sendingini fylgja vit Sigrun Jóhansdóttir Bisp, sála, sum hevði sjúkuna Cystisk Fibrose. Umframt læknar, hitta vit eisini foreldrum við sjúkum børnum, sum øll eru púra óskiljandi um, at meira ikki verður gjørt fyri at fyribyrgja hesum sjúkunum. Lagt til rættis: Marita á Rógvi.
Skyldskapur er tættur í Føroyum
Lurta eftir sendingini frá 2017, har Guðrið Andorsdóttir, stjóri á ílegusavninum, fortelur um tættan skyldskap og áhugaverdu ílegurnar hjá okkum føroyingum. Ílegusavnið hevur eina ættarbándsskrá, har allir føroyingar, sum hava livað og búgva í Føroyum í dag, eru skrásettir. Vertur: Kári Sólstein
Føroyska sjúkan
Sendingin frá 2009 um føroysku sjúkuna er enn líka viðkomandi. 23’undi hvør føroyingur er berari av einari ólekjandi sjúku, sum hevur fingið heitið Føroyska sjúkan. Hon finst eisini aðrastaðni, men ongastaðni so nógv sum her, tí vit eru so fá og so nær skild. Ímillum 1977 og 2009 vóru 16 børn fødd við hesi sjúkuni. Síðani sendingin varð gjørd, eru 8 børn fødd afturat.
